कविता :- "वातावारण"

वातावरण 

-प्रदिप कठायत, कक्षा:- ७, गान्धी 

रुख रोपौं वरिपरी , हरियाली बनाऔं,
साथीसंगी सबैमा, जनचेतना जगाऔं, 
वातावरण रक्षा गरे, सफा सुग्घर बन्छ,
रुख बिरुवा रोप्यो भने, हराभरा हुन्छ l  

घर आँगन सफा राखे, छिमेक सफा हुन्छ,
छिमेक सफा, समाज सफा, रास्ट्र सफा हुन्छ,
आफु मात्र होइन साथी, छिमेकीलाई भन्नु,
एउटा रुख काटेपछि, दुई बिरुवा गाड्नु l 

जल्ने फोहोर जलाई दिनु, कुहिनेलाई गाड्नु,
बिग्रिएका सिसा, फलाम, जम्मा पारी राख्नु, 
मिल्नेलाई पुनः प्रयोग, नमिल्नेलाई फाल्नु,
प्लास्टिक र फोहोरहरु, हुन्न कहिले बाल्नु l 

पानीलाई जोगाउन, वृक्षारोपण गर्नु, 
धारा,कुवा,नदीलाई, सधै सफा राख्नु,
जंगललाई मास्नुहुन्न, बस्छन जनावर,
बाघ,भालु, चितुवाको त्यहि नै हो घर l 

प्रदिप कठायत,
कक्षा:- ७ गान्धी